Martın 15-16-da Afinada Azərbaycan və Yunanıstan arasında iqtisadi əməkdaşlıq üzrə hökumətlərarası komissiyanın ikinci iclası keçiriləcək. Bu barədə eksklüziv olaraq Trend ə Azərbaycanın Yunanıstandakı səfirliyinin üçüncü katibi Vüsal Abdullayev bildirib.
Onun sözlərinə görə, gözlənilən iclasla bağlı səfirlik artıq hazırlıq işlərinə başlayıb. İclasın gündəliyinə iki ölkə arasında ticarət-iqtisadi, mədəni və humanitar əlaqələrin genişləndirilməsi məsələləri daxildir. Komissiyanın həmsədrləri Yunanıstan tərəfindən xarici işlər nazirinin müavini Evripidis Stilianidis, Azərbaycan tərəfindən isə iqtisadi inkişaf naziri Heydər Babayevdir.
Diplomat qeyd edib ki, bu gün iki ölkə arasında normativ-hüquqi baza 5 hökumətlərarsı razılaşmadan ibarətdir, daha iki razılaşma layihəsi hazırlıq mərhələsindədir, bunlar - ikiqt vergi qoyulmasının tətbiq edilməməsi barədə razılaşma və hava əlaqəsi sahəsində əməkdaşlığa dair razılaşmalardır.
Diplomatın sözlərinə görə, komissiyanın əvvəlki iclası 2003-cü il aprelin 10-11-də Bakıda keçirilib.
