Azərbaycan, Bakı/ " müxbir Z.Səfərov/ Azərbaycanlı qılıncoynadan Aidə Ələsgərova dekabrın 7-də İtaliyada başlayacaq gənclər və qızlar arasında Dünya Çempionatında iştirak edəcək. Həmvətənimiz əvvəllər Avropa və dünya birinciliklərində iştirak edib. O , həmçinin, Beynəlxalq Federasiyanın himayəsi altında keçirilən xüsusi treninq-düşərgələrdə öz ustalığını təkmilləşdirib. "Neftçi" idman-sağlamlıq mərkəzinin nümayəndəsi olan Aidə Azərbaycanın ilk yığmasının tərkibinə daxildir və artıq dünya, Avropa çempionatlarında və Dünya Kubokunun mərhələlərində iştirak təcrübəsinə malikdir. İtaliyada Aidənin hərəkətlərinə Fikrət Vəliyev rəhbərlik edəcək. Yarışda o, hakimlik edəcək və xüsusi seminarda iştirak edəcək.
...