Azərbaycan, Bakı, 20 avqust / Trend , müxbir R.Ergün/ Azərbaycanın "Xəzər-Lənkəran" klubu Braziliyadan olan futbolçusu Mario Souza ilə yeni müqavilə bağlayıb. Bu barədə çərşənbə günü Trend -a "Xəzər-Lənkəran" klubunun mətbuat xidməti məlumat verib.
Trend -un arayışı: Braziliyalı futbolçu bir müddət əvvəl Özbəkistanın "Paxtakor" klubu ilə transfer danışıqları aparmışdı. Souza bu addımı "Xəzər-Lənkəran"dan xəbərsiz atdığı üçün, klub rəhbərliyinin narazılığına səbəb olmuşdu. "Paxtakor"a keçidi baş tutmayan futbolçu yenidən "Xəzər-Lənkəran"da oynamaq istədiyini bildirib.
Məbuat xidmətinin məlumatına görə, braziliyalı oyunçu "Xəzər-Lənkəran"la iki illik müqavilə bağlayıb.
"Xəzər-Lənkəran" komandasının baş məşqçisi türkiyəli Rasim Karadır.
Məqalə müəllifi ilə əlaqə ünvanı: [email protected]