...

Norveç Ədliyyə Nazirliyinin rəsmisi həbsdə olan jurnalistlərin vəziyyəti ilə maraqlanıb

Cəmiyyət Materials 21 Oktyabr 2008 17:43

Trend-i buradan izləyin

Azərbaycan, Bakı, 21 oktyabr / , müxbir K. Zərbalıyeva/ Norveçin Azərbaycandakı fövqəladə və səlahiyyətli səfiri Yon Ramberqin evində diplomatik korpusun, beynəlxalq təşkilatların və vətəndaş cəmiyyətinin nümayəndələrinin iştirakı ilə görüş keçirilib.

Görüşdə vətəndaş cəmiyyəti adından Helsinki Vətəndaş Assambleyasının (HVA) həmsədri Arzu Abdullayeva, İşgəncələr Əleyhinə Komitənin sədri Elçin Behbudov və vəkil İsaxan Aşurov təmsil olunublar.

Bu barədə məlumat verən Arzu Abdullayeva bildirib ki, görüşdə iştirak edən beynəlxalq təşkilatların nümayəndələri Azərbaycanda insan haqlarının, demokratiyanın vəziyyəti ilə, AŞ PA - nın Azəırbaycanla bağlı çıxardığı Qətnamələrin taleyi ilə maraqlanıblar.

Hüquq müdafiəçisi deyib ki, Azərbaycanda səfərdə olan Norveçin ədliyyə nazirinin müavini həbsdə olan jurnalistlərin vəziyyəti, işgəncə faktları, söz azadlığı, mətbuatın durumu, siyasi məhbus və ordudakı vəziyyətlə maraqlanıb.

Həbsdə olan jurnalistlər Eynulla Fətullayev, Mirzə Sakit və Qənimət Zahidovun vəziyyəti, həbsi barədə qonağa məlumat verilib.

Missiya rəhbəri hakimiyyət nümayəndələri ilə keçirəcəkləri görüşlər zamanı bu məsələləri qabardacaqlarına söz verib.

Görüşdə Norveçdən gəlmiş missiya, ATƏT-in Bakı ofisinin rəhbəri Xose Luis Herero, qurumun insan haqları üzrə şöbəsinin rəhbəri, Avropa Şurası Bakı ofisinin nümayəndəsi, Almaniyanın Azərbaycandakı səfiri Per Kristofer Stankina da iştirak ediblər.

Müəlliflə əlaqə saxlamaq üçün elektron ünvan- [email protected]

Xəbər lenti

Xəbər lenti