Azərbaycan, Bakı, 22 oktyabr / , müxbir K. Zərbalıyeva/ Dələduzluq yolu ilə vətəndaşların külli miqdarda əmlakını ələ keçirmiş dəstənin işi üzrə hazırlıq iclası keçirilib.
"Qarabağ" Sudan İstifadə edənlər Assosiasiyasının rəhbəri Telman Səlimov, Əşrəf Orucov, İlham Hüseynov, Şakir və Vidadi Hüseynovlar Binəqədi və Yasamal rayonları ərazilərində 16 mərtəbəli bina tikdiriblər.
2007-ci ilin sentyabrında binalar yoxlanılarkən onların qəza vəziyyətində olduğu müəyyən olunub və tikinti dayandırılıb.
Podratçılar həmin binalardakı mənzillərin satılması üçün 125 vətəndaşla müqavilə bağlayaraq, onlardan ümumilikdə 2 milyon manat məbləğində pul alıblar.
Vətəndaşların şikayətindən sonra adıçəkilən şəxslər həbs olunub və barələrində Cinayət Məcəlləsinin dələduzluq (178) maddəsi ilə cinayət işi açılıb.
Çərşənbə günü keçirilən hazırlıq iclasında iş üzrə məhkəmə baxışının oktyabrın 31-də keçirilməsi qərara alınıb.
Müəlliflə əlaqə saxlamaq üçün elektron ünvan- [email protected]