Azərbaycan, Bakı, 22 oktyabr / , müxbir K. Zərbalıyeva/ Əmisi arvadını zorlayıb qətlə yetirməkdə günahlandırılan Yevlax rayon sakininə çərşənbə günü hökm oxunub.
Ağır Cinayətlərə Dair İşlər Üzrə Məhkəmənin hökmü ilə Yevlaxın Alar kənd sakini Bəhruz İsmayılov 15 il azadlıqdan məhrum edilib.
İsmayılov bu il iyulun 12 - də əmisi arvadı, 51 yaşlı Roza Bədəlovanı zorlayıb, sonra isə, şalvarının kəməri ilə onu boğaraq qətlə yetirib.
İsmayılov ifadəsində özünü qismən təqsirli bilib və deyib ki, əmisi arvadını öldürməyi iki il əvvəl planlaşdırıb və bu qətli qisas almaq məqsədilə törədib.
Onu öldürməyinə səbəb isə, Bədəlovanın anası ilə dalaşması olub.
İsmayılovun əmisi, zərərçəkmiş Əliş Mahmudov hadisə olan vaxt Rusiyada olduğunu deyib və qardaşı oğlundan şikayətçi olmadığını bildirib.
İsmayılov Cinayət Məcəlləsinin qəsdən adam öldürmə (120.1), qəflətən baş vermiş güclü ruhi həyəcan vəziyyətində qəsdən adam öldürmə (122) və zorlama (149) maddələri ilə ittiham olunur.
Müəlliflə əlaqə saxlamaq üçün elektron ünvan- [email protected]
