Azərbaycan, Bakı, 03 noyabr/ Trend , müxbir R.Ergün/ Azərbaycanın "Neftçi" futbol klubunun keçmiş kapitanı Rəşad Sadıqov karyerasını Türkiyənin "Boluspor" komandasında davam etdirəcək.
Trend -un arayışı: Sadıqov "Neftçi"dən bir müddət əvvəl ayrılıb. O, "Neftçi"nin əvəzedici heyətində hazırlıq keçərək, bu komandanın oyununda iştirak edib. Sadıqovla yanaşı, Aleksandr Çertoqanov, Georgi Adamiya, Rəşad Sadiqov, Elnur Allahverdiyev və Levent Kartop "Neftçi"dən uzaqlaşdırılıb.
"Boluspor" klubunda digər azərbaycanlı futbolçu - İlqar Qurbanov da çıxış edir. Türkiyənin birinci liqasında mübarizə aparan "Boluspor" dünən keçirdiyi oyunda Qurbanovun vurduğu qolla 1:0 hesabı ilə qələbə qazanıb.
Sadıqov Türkiyəyə yaxın günlərdə yola düşəcək.
Azərbaycan yığma komandasının kapitanı olan futbolçunun qış fasiləsinə kimi "Boluspor"un düşərgəsidə hazırlıq keçəcəyi gözlənilir.
Məqalə müəllifi ilə əlaqə ünvanı: [email protected]