Ukrayna, Kiyev, 26 dekabr/ Trend , müxbir Z.Novosvitski/ "Deputatlar yalnız irəli sürdükləri təkliflər nəzərə alındıqdan sonra Ukrayna dövlət büdcəsinin lehinə səs verəcəklər - Ali Radanın xalq deputatı, Azərbaycan diasporunun nümayəndəsi Eduard Zeynalov hesab edir.
"Bəzi deputatların büdcədə görmək istədikləri müəyyən tələblər var. Düşünürəm ki, hökumət bu tələblərə reaksiya göstərəcək", - Zeynalov Trend -a bildirib.
Ali Rada iki gün ərzində hökumətin təqdim etdiyi Ukraynanın 2009-cu il dövlət büdcəsini qəbul etməyə çalışır.
Deputat, bu sənədin keyfiyyət məzmunu ilə bağlı qeyd edib ki, "mükəmməl büdcə olmur". Bu maliyyə sənədini əvvəlcə qəbul etmək, sonra ona düzəlişlər etmək lazımdır.
Müəlliflə əlaqə saxlamaq üçün elektron ünvan: [email protected]
