Azərbaycan, Bakı, 27 oktyabr / Trend , muxbir K.Zərbalıyeva/
Azərbaycan Ali Məhkəməsi övladlığa götürmə ilə bağlı məhkəmə təcrübəsinin ümumiləşdirilməsini aparıb.
Ali Məhkəmədən çərşənbə axşamı Trend -a verilən məlumata görə, Plenumun oktyabrın 29-da keçiriləcək iclasında "Övladlığa götürmə və ya övladlığa götürmənin ləğvi ilə əlaqədar mülki işlərə baxılarkən qanunvericiliyin məhkəmələr tərəfindən tətbiqi təcrübəsi haqqında" qərar layihəsi müzakirə olunacaq.
Plenumun iclasında Avropa İnsan Hüquqları Məhkəməsinin Azərbaycanla bağlı çıxardığı qərarlar əsasında bir neçə işə yeni hallar üzrə baxılması da nəzərdə tutulur.
Həmin işlər arasında "Müxalifət" qəzetinin əməkdaşları Rövşən Mahmudov və Yaşar Ağazadənin Cinayət Məcəlləsinin 147.1, 148-ci maddələri ilə məhkum edilmələrinə dair cinayət iş və Azərbaycan Hüquqşünasları Forumunun kassasiya şikayəti də var.
Məqalə müəllifi ilə əlaqə ünvanı: [email protected]
