Azərbaycan, Bakı, 04 noyabr / Trend , müxbir H.Bağırov/
Azərbaycan paytaxtında silahlı basqında təqsirli bilinən mütəşəkkil dəstənin üzvünə hökm oxunub.
Trend -un məlumatına görə, çərşənbə günü Ağır Cinayətlərə Dair İşlər üzrə Məhkəmənin hökmü ilə Cinayət Məcəlləsinin iki və ya daha çox şəxsi öldürməyə cəhd (29,120.2.7) maddəsi ilə təqsirli bilinən Bakı şəhər sakini Vüsal Əliyevə 12 il azadlıqdan məhrumetmə cəzası təyin edilib.
İttihama görə, Əliyev 2006-cı ilin dekabrında Bakının Səbail rayonu ərazisində yerləşən "Qurd Qapı"sı restoranının qarşısında baş verən iki qrup arasında silahlı insidentdə iştirak edib.
2007-ci ildə dəstənin üzvləri mühakimə edilsələr də, Əliyev istintaqdan yayınaraq, Azərbaycanın Dövlət Sərhədini keçərək Rusiyaya gedib. Əliyev Belarusun paytaxtı Minsk şəhərində 2008-ci ildə tutularaq Azərbaycana gətirilib.
Məqalə müəllifi ilə əlaqə ünvanı: [email protected]
