Azərbaycan, Bakı, 09 fevral / Trend , müxbir H.Bağırov/
Azərbaycanda dövlətə xəyanətdə ittiham olunan hərbi qulluqçuların məhkəməsi başlayıb.
Trend -un məlumatına görə, bu gün Ağır Cinayətlərə Dair İşlər üzrə Məhkəmədə Müdafiə Nazirliyinin "N" saylı hərbi hissəsinin əsgərləri - Mais Çıraqov, Füzuli Məmmədov və Daşqın Məmmədovun cinayət işi üzrə məhkəmənin hazırlıq iclası keçirilib.
Məhkəmə baxışı fevralın 17-nə təyin edilib.
Təqsirləndirilən şəxslər Cinayət Məcəlləsinin dövlətə xəyanət (274), döyüş növbəsi çəkmə qaydalarını pozma (338.1), bir qrup şəxs, qabaqcadan əlbir olan bir qrup şəxs və ya mütəşəkkil dəstə tərəfindən, zərərçəkmiş şəxsə və ya başqa şəxslərə qarşı xüsusi amansızlıqla seksual xarakterli zorakılıq hərəkətləri etmək (150.2.1, 150.2.4) maddələri ilə ittiham ediliblər.
Adıçəkilən şəxslər erməni xüsusi xidmət orqanlarının əməkdaşları tərəfindən casusluğa cəlb ediliblər. Ermənilər həmin əsgərlərdən istifadə edərək, ordumuzun mövqeləri və şəxsi heyəti barədə məlumatlar alıblar.
