Azərbaycan, Bakı, 30 iyun /Trend, müxbir M.Əliyev/
Azərbaycan Prezidenti yanında Elmin İnkişafı Fondu tərəfindən elmi layihələrin maliyyələşdirilməsi üçün müsabiqə elan edilib.
"Fond elmi tədqiqat proqramlarının, layihələrinin və digər elmi tədbirlərin maliyyələşdirilməsi üçün 6 milyon 100 min manat pul ayırıb", - Trend-in məlumatına görə, bunu çərşənbə günü jurnalistlərə fondun rəhbəri Elçin Babayev bildirib.
Onun sözlərinə görə, ayrılan vəsaitin 2 mln 200 mini fundamental və tətbiqi layihələrə yönələcək. 3 milyonu qurum tərəfindən pilot layihələrə, 400 mini xüsusi layihələrə, 100 mini axtariş innovasiya xarakterli elmi tədqiqat layihələrinə yönəlib.
Azərbaycanın qeyri-maddi mədəni irsinin tədqiqinə isə 400 min manat ayrılacaq.
Elmin İnkişafı Fondu qərara alıb ki, qrant müsabiqələri ildə iki dəfə - 10 may və 10 noyabr aylarında elan ediləcək.