Azərbaycan, Bakı, 10 mart /Trend, müxbir K.Zərbalıyeva/
Azərbaycanla Mərakeşin Ədliyyə nazirlikləri arasında "Əməkdaşlıq haqqında" saziş imzalanacaq.
Ədliyyə Nazirliyindən cümə axşamı Trend-ə verilən məlumata görə, sənəd Mərakeşin ədliyyə naziri Məhəmməd Nəsirin Azərbaycana səfəri zamanı imzalanacaq.
Martın 13-dən 19-dək davam edəcək səfər çərçivəsində Ədliyyə nazirlikləri arasında "Qarşılıqlı hüquqi yardım haqqında" müqavilənin də imzalanması nəzərdə tutulub.
Mərakeşin ədliyyə naziri səfər müddətində azərbaycanlı həmkarı Fikrət Məmmədovla görüşəcək.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
