Azərbaycan, Bakı, 5 mart /Trend, müxbir E.Mehdiyev/
Bakının Xətai rayonunun General Şıxlinski küçəsi ilə Gəncə prospekti ərazisindəki yamacın yuxarısında tikilən üç binadan ikisinin sökülməsinə qərar verilib. Trend-in hadisə yerində olan əməkdaşının məlumatına görə, bu barədə bazar ertəsi jurnalistlərə açıqlamasında Bakı şəhər İcra Hakimiyyətinin başçısı Hacıbala Abutalıbov deyib.
"Yamacın yuxarısında tikilmiş 3 binadan ikisinin sökülməsinə qərar verilib. Sökülmə indi həyata keçirilməyəcək, çünki hazırda sökülmə torpaq sürüşməsinə müəyyən qədər təkan verə bilər. Amma stabil vəziyyət yaranandan sonra həmin iki bina tam söküləcək", - Abutalıbov əlavə edib.
Qeyd edək ki, həmin ərazı Bakının aktiv sürüşmə zonası hesab edilir.