Azərbaycan, Bakı, 16 aprel /Trend, müxbir H.Vəliyev/
İlin sonunadək "Goldenpay" şirkəti qazdan istifadə haqqının ödənilməsi məqsədilə smart-kart tipli qaz sayğaclarının onlayn yüklənməsi üçün kard-riderlərin reallaşdırılmasına başlayacaq.
Hazırda layihənin proqram tərkibinin test sınaqları tamamlanıb və internet saytın yaradılması üzərində iş aparılır. Saytda qurğuları açıq satışda əldə etmək mümkün olacaq.
Kart-riderlərin sifarişini hesab.az və goldenpay.az internet səhifələrində də etmək mümkün olacaq.
Qurğuların qiyməti 30 manat təşkil edəcək.
Əhaliyə bu qurğuların iki növü (SCR 3310 və ACR 38) təqdim ediləcək. Hər iki növdən sənədlərin rəqəmsal imza ilə təminatı zamanı da istifadə edilə bilər.
Qurğular qazdan istifadə haqqının internet şəbəkəsi ilə ödənilməsi üçün smart-kartları yükləməyə imkan verir.
Hazırda "Paypoint" özunəxidmət terminallarından başqa, smart-kartların yüklənməsi Azərbaycanın bütün banklarında mümkündür.
