Azərbaycan, Bakı, 7 iyun /Trend/
31 may-1 iyun tarixlərində Avstriyanın paytaxtı Vyana şəhərində Ballistik Raketlərin Yayılması əleyhinə Haaqa Davranış Məcəlləsinə dair 11-ci növbəti iclas keçirilib.
Trend-in məlumatına görə, iclasda Azərbaycan nümayəndə heyətinin tərkibində "Azərkosmos" ASC-nin əməkdaşı Fuad Quliyev də iştirak edib.
Tədbir BMT Baş Assambleyasının HCoC-un 11-ci növbəti iclası barədə qətnamə layihəsinin müzakirəsi ilə yekunlaşıb və Ballistik Raketlərin Yayılması əleyhinə Haaqa Davranış Məcəlləsi üzrə Azərbaycan Respublikasının 2014-2015-ci illərdə sədrliyinə namizədliyi sözügedən qətnamə layihəsinə daxil edilib.
"Azərkosmos" ASC-nin əməkdaşı Raket Texnologiyalarına Nəzarət Rejiminə (MTCR) qoşulmaq üçün həmin təşkilata rəhbərlik edən Almaniya Federativ Respublikasının nümayəndə heyəti ilə də fikir mübadiləsi aparıb.