Azərbaycan, Bakı, 2 noyabr /Trend, müxbir K.Zərbalıyeva/
Müəllif Hüquqları Agentliyinin Əqli Mülkiyyət Hüquqlarının Təminatı Mərkəzinin işçilərinin aylıq vəzifə maaşları dövlət büdcəsindən ödəniləcək.
Nazirlər Kabinetindən Trend-ə verilən məlumata görə, hökumət "Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında" qərarına bununla bağlı dəyişiklik edib.
Dəyişiklikdə nəzərdə tutulur ki, Mərkəzin işçilərinin aylıq vəzifə maaşlarının maliyyələşdirilməsi dövlət büdcəsinin mərkəzləşdirilmiş xərclərinin "Sair tədbirlər" bölməsində Müəllif Hüquqları Agentliyi üzrə nəzərdə tutulmuş əməkhaqqı fondu dairəsində həyata keçirilir.