...

Azərbaycanda yaxın günlərdə həkimlərin işə qəbulu üçün yenidən sənəd qəbuluna başlanacaq

Cəmiyyət Materials 8 Aprel 2013 11:49 (UTC +04:00)
Azərbaycan Səhiyyə Nazirliyi yaxın günlərdə dövlət səhiyyə müəssisələrinə işə qəbul məqsədilə mərkəzləşdirilmiş qaydada keçirilən imtahanda iştirak etmək istəyən həkimlər üçün yenidən sənəd qəbuluna başlamaq nəzərdə tutulur.
Azərbaycanda yaxın günlərdə həkimlərin işə qəbulu üçün yenidən sənəd qəbuluna başlanacaq

Azərbaycan, Bakı, 8 aprel /Trend, müxbir İ.İsabalayeva/

Azərbaycan Səhiyyə Nazirliyi yaxın günlərdə dövlət səhiyyə müəssisələrinə işə qəbul məqsədilə mərkəzləşdirilmiş qaydada keçirilən imtahanda iştirak etmək istəyən həkimlər üçün yenidən sənəd qəbuluna başlamağı nəzərdə tutur. Bunu bazar ertəsi Trend-ə Səhiyyə Nazirliyinin mətbuat xidmətinin rəhbəri Anar Qədirli deyib.

Onun sözlərinə görə, sənəd qəbulu dövlət səhiyyə müəssisələrindəki 2000-ə yaxın vakant yer üzrə aparılacaq. Hazırda isə həkimlərin işə qəbulu üçün keçirilmiş ilk imtahanda uğur qazanaraq növbəti mərhələyə buraxılan namizədlər üçün müsahibə keçirilir. İlk imtahanda iştirak etmiş 110 namizədin 80-i uğur qazanaraq növbəti mərhələyə buraxılıb. Müsahibə aprelin 4-dən başlayıb və aprelin 11-dək davam edəcək. İmtahanda iştirak etmiş həkimlər 27 ixtisas üzrə 100 vakansiya uğrunda mübarizə aparıblar.

Qədirli deyib ki, müsabiqə iki mərhələdə keçirilir. Müsabiqənin ilk mərhələsində - test imtahanı zamanı namizədlər ümumilikdə 50 suala cavab veriblər. Həmin sualların 40-ı sırf ixtisasla, 10-u isə müvafiq qanunvericiliklə bağlı olub. Test imtahanı nazirlik tərəfindən keçiriləcək. Test imtahanında uğur qazanacaq namizədlər müsahibə mərhələsinə buraxılacaqlar. Bu mərhələ də Səhiyyə Nazirliyinin işə qəbulla bağlı yaradılan 7 nəfərlik komissiyası tərəfindən həyata keçiriləcək.

Qeyd edək ki, ilk işə qəbul imtahanı martın 28-də, ikinci imtahan isə aprelin 2-də keçirilib.

Məqalədə:
Xəbər lenti

Xəbər lenti