Azərbaycan, Bakı, 4 dekabr /Trend, müxbir R.Hafizoğlu/
Ölkədə həkimlərin kəskin çatışmazlığı ilə əlaqədar Ankara xaricdə çalışan türkiyəli həkimləri vətənə qayıtmağa çağırır. Bu barədə Türkiyənin səhiyyə naziri Mehmet Müəzzinoğlu bildirib. Xəbəri çərşənbə günü Türkiyənin "Sabah" qəzeti yayıb.
Müəzzinoğlunun sözlərinə görə, bu gün iki mindən artıq türkiyəli həkim xarici ölkələrdə çalışır.
O qeyd edib ki, hazırda Türkiyənin 20 mindən artıq həkimə ehtiyacı var.
Bundan əvvəl səhiyyə naziri Yunanıstandakı iqtisadi böhranla əlaqədar Türkiyədə işləmək üçün yeddi min həkimin dəvət edildiyini bildirmişdi.
Cari ildə 68 azərbaycanlı həkim Türkiyənin səhiyyə sahəsində işləməyə başlayıb.
2013-cü ildə nazirlik Türkiyə səhiyyə sistemində işləmək üçün 443 əcnəbi həkimə müraciət edib.
