Azərbaycan, Bakı, 13 dekabr /Trend, müxbir R.Hafizoğlu/
Türkiyə Azərbaycanla hidrometeorologiya sahəsində əməkdaşlıq haqqında protokolu ratifikasiya edib. Trend-in məlumatına görə, bu barədə Türkiyənin "Rəsmi Qəzet"i cümə günü məlumat verib.
Məlumata əsasən, protokol bu gündən etibarən qüvvədədir.
Qeyd edək ki, Türkiyə ilə Azərbaycan arasında hidrometeorologiya sahəsində əməkdaşlıq protokolu 2011-ci il noyabrın 25-də İzmirdə imzalanıb.
