Azərbaycan, Bakı, 17 iyul /Trend, müxbir İlhamə İsabalayeva/
Tələbə Qəbulu üzrə Dövlət Komissiyası 2013/2014-cü tədris ili üzrə yekun qiymətləndirmənin nəticələrini Təhsil Nazirliyi və şəhər (rayon) təhsil şöbələrinə təqdim edib.
Trend komissiyanın saytına istinadən bildirir ki, 2013/2014 -cü tədris ili üzrə IX və XI sinif şagirdlərinin buraxılış imtahanı qiymətlərini və dövlət nümunəli təhsil sənədinə yazılacaq yekun qiymətləri elektron imza ilə imzalanmış şəkildə Təhsil Nazirliyi və Bakı şəhəri üzrə Təhsil İdarəsinə təqdim olunub.
Eyni zamanda şəhər (rayon) təhsil şöbələri və təhsil müəssisələri buraxılış sinif şagirdlərinin yekun qiymətlərini "Şagird-məzun" sistemindən elektron imza ilə təsdiq edilmiş siyahı şəklində əldə edərək çap edə bilərlər.