Azərbaycan, Bakı, 1 avqust /Trend, müxbir İlkin İzzət/
Bakıda təmirlə əlaqədar Qələbə dairəsindən Ziya Bünyadov prospekti istiqamətində nəqliyyat vasitələrinin hərəkəti məhdudlaşdırılıb.
Nəqliyyat Nazirliyi Nəqliyyatı İntellektual İdarəetmə Mərkəzindən (NİİM) Trend-ə verilən məlumata görə, Abdulvahab Salamzadə küçəsində (yolötürücünün üstündə) aparılan təmir işləri ilə əlaqədar olaraq Qələbə dairəsindən Ziya Bünyadov prospekti istiqamətində nəqliyyat vasitələrinin hərəkəti məhdudlaşdırılıb.
Sürücülərə alternativ olaraq Abdulvahab Salamzadə küçəsi - Kənar yoldan və Cavadxan küçəsindən istifadə etmələri tövsiyə olunur.
