...

Azərbaycanda müəllim olmaq istəyənlərin nəzərinə

Cəmiyyət Materials 20 Yanvar 2015 11:12 (UTC +04:00)
2017-ci ildən sonra Azərbaycanda müəllim olmaq istəyənlər internaturadan keçməli olacaqlar.
Azərbaycanda müəllim olmaq istəyənlərin nəzərinə

Azərbaycan, Bakı, 20 yanvar /Trend, müxbir İlhamə İsabalayeva/

2017-ci ildən sonra Azərbaycanda müəllim olmaq istəyənlər internaturadan keçməli olacaqlar. Trend-in məlumatına görə, bu, Azərbaycan Prezidenti İlham Əliyev tərəfindən təsdiqlənən "Azərbaycan Respublikasında təhsilin inkişafı üzrə Dövlət Strategiyası"nın həyata keçirilməsi ilə bağlı Fəaliyyət Planı"nda nəzərdə tutulub.

Yeni sənədə əsasən, 2016-2017-ci illərdə Nazirlər Kabineti və Təhsil Nazirliyi tərəfindən müəllim hazırlığı sistemində internatura modelinin tətbiqi qaydaları hazırlanacaq və təsdiq ediləcək. Müəllimin karyera inkişafı və fəaliyyətinin stimullaşdırılması üzrə yeni sistem hazırlanacaq və tətbiq ediləcək. 2018-ci ildə müəllimlər üçün yeni əməkhaqqı və stimullaşdırma sisteminin yaradılması üzrə mexanizmlər təsdiq ediləcək.

2015-2016-cı illərdə Təhsil Nazirliyi, Əmək və Əhalinin Sosial Müdafiəsi Nazirliyi səriştə və nəticə əsaslı diferensiallaşdırılmış, əmək bazarında rəqabətqabiliyyətli əməkhaqqı və stimullaşdırma sisteminin yaradılması üzrə mexanizmlər hazırlayacaq.

Sənəddə qeyd edilib ki, 2016-cı ildə Nazirlər Kabineti müəllimlər üçün yeni əməkhaqqı və stimullaşdırma sisteminin yaradılması üzrə mexanizmləri təsdiq edəcək. 2017-ci ildən etibarən mütəmadi olaraq Təhsil Nazirliyi əməkhaqqı və stimullaşdırma sisteminin yaradılması üzrə mexanizmlər tətbiq edəcək.

2018-ci ildə isə Təhsil Nazirliyi müəllimin karyera inkişafı və fəaliyyətinin stimullaşdırılması üzrə yeni sistem hazırlayacaq və tətbiq edəcək.

Məqalədə:
Xəbər lenti

Xəbər lenti