Azərbaycan, Bakı, 28 yanvar /Trend, müxbir İlhamə İsabalayeva/
Bakı şəhərində 1 yaşadək uşaqlar arasında ölüm halları artıb.
Dövlət Statistika Komitəsindən Trend-ə verilən məlumata görə, ümumilikdə bütün Azərbaycanda 2011-ci ildə 1903, 2012-ci ildə 1884, 2013-cü ildə isə 1862 (2014-cü ilin statistikası açıqlanmayıb) 1 yaşadək uşaq dünyasını dəyişib. Ölkə üzrə göstəricilərin azalmasına baxmayaraq, Bakı şəhərində 1 yaşadək uşaqların ölüm halları artıb.
2011-ci ildə paytaxtda 1 yaşadək olan 697, 2012-ci ildə 784, 2013-cü ildə isə 791 uşaq dünyasını dəyişib. Bakıda hər 1000 diri doğulana düşən 1 yaşadək ölən uşaqların sayı 2011-ci ildə 18.4, 2012-ci ildə 19.9, 2013-cü ildə isə 20.3 olub.
Qeyd edək ki, 2013-cü ildə Azərbaycanda yaşı 4-dək olan 2234 uşaq dünyasını dəyişib.