Azərbaycan, Bakı, 20 aprel /Trend/
"Altay. Artım nöqtələri" Gənclərin beynəlxalq idarəetmə forumunun çərçivəsində forum keçiriləcək
Gənclər və İdman Nazirliyinin mətbuat katibliyindən Trend-ə verilən məlumata görə, iyunun 7-12-də Altay diyarının Belokurixa kurort-şəhərində MDB iştirakçı ölkələrinin gənc sahibkarlarının konqresi keçiriləcək. Konqres "Altay. Artım nöqtələri" Gənclərin beynəlxalq idarəetmə forumunun çərçivəsində keçiriləcək.
Konqresin təşkilatçıları Rusiyanın Gənclər üzrə Federal Agentliyi, "Rusiyanın gənc sahibkarlığa dəstək mərkəzi", Altay diyarının administrasiyası, Altay Dövlət Universiteti və Altay Dövlət Pedaqoji Universitetidir.
MDB iştirakçı ölkələri ilə iqtisadi əməkdaşlıq Rusiya xarici siyasətinin prioritet istiqamətlərindən biridir. Həm iqtisadiyyatın inkişafı, həm də gənclər siyasətinin həyata keçirilməsi üzrə əsas məsələlərə cavab verdiyinə görə gənclərin sahibkarlığı xüsusi əhəmiyyətə malikdir.
Konqresin əsas məqsədi - MDB çərçivəsində gənc sahibkarlar tərəfindən müştərək biznes layihələrinin yaradılması və inkişaf etdirilməsindən ibarətdir.
Biznesin müxtəlif profilli istiqamətləri üzrə 5 tematik mövzu yaradılacaq:
Turizm;
İT (İnternetdə biznes və innovasiyalar);
Ticarət;
İstehsalat;
Xidmətlər.
Konqres zamanı MDB-nin müxtəlif ölkələrində oxşar istiqamətlərdə təcrübə mübadiləsi aparılacaq, birgə realizə üçün mümkün layihələr müzakirə ediləcək, MDB ölkələri üzrə biznes-tərəfdaşların axtarışı həyata keçiriləcək.
Bütün iştirakçılar sahibkarların baza biliklərinin artırılması üzrə beşgünlük intensiv kurs keçirlər. Bu kurslara aşağıdakı mövzular daxildir:
Məhsulun hazırlanması və qablaşdırılması;
Komanda seçimi və onların motivasiyası;
İdarəetmə;
Satış və marketinq;
Biznesin inkişafı;
İnvestisiyaların və maliyyə resurslarının cəlb olunması və s.
İştirak etmək istəyənlər öz CV və motivasiya məktubunu (300 sözdən çox olamayan) 28 aprel 2015-ci il tarixə qədər Gənclər və İdman Nazirliyinə təqdim etməlidirlər.
Əlaqələndirici şəxs: Rüstəm Abdullayev: 012-465-21-55
e-mail: [email protected] [email protected]