İlk xəbər 9:30-da yayılıb
Azərbaycan, Bakı, 6 may /Trend, müxbir İlhamə İsabalayeva/
Səhiyyə Nazirliyinin (SN) mətbuat xidmətinin rəhbəri Anar Qədirli tutduğu vəzifədən azad olunub. Trend-in əldə etdiyi məlumata görə, A.Qədirli öz ərizəsi ilə vəzifəsindən uzaqlaşdırılıb.
Məlumata görə, A.Qədirliyə SN-də digər vəzifə təklif edilib.
Nazirliyin mətbuat xidmətinin rəhbəri vəzifəsinə Liya Bayramovanın təyin olunduğu bildirilir.
A.Qədirli Trend-ə bildirib ki, o, 9 il çalışdığı vəzifəsindən öz ərizəsi ilə azad edilib. Səbəb isə onun başqa vəzifəyə keçirilməsidır: "Mən başqa vəzifəyə keçirilməyimlə əlaqədar vəzifəmdən azad olunmaq üçün ərizə yazmışam".
A.Qədirli gələn həftədən Səhiyyə Nazirliyi Respublika Gigiyena və Epidemiologiya Mərkəzində yeni yaradılan ictimaiyyətlə əlaqələr şöbəsininin müdiri vəzifəsində çalışacağını deyib.