...

"Təmiz Şəhər"ə beynəlxalq sertifikatlar verilib (FOTO)

Cəmiyyət Materials 17 Fevral 2016 15:31
“Təmiz Şəhər” ASC-yə 2 müxtəlif meyarda idarəetmə sistemlərinin beynəlxalq standartlara cavab verdiyinə görə ISO 14001 və OHSAS 18001 sertifikatları təqdim olunub.
"Təmiz Şəhər"ə beynəlxalq sertifikatlar verilib (FOTO)

Trend-i buradan izləyin

Bakı. Trend:

"Təmiz Şəhər" ASC-yə 2 müxtəlif meyarda idarəetmə sistemlərinin beynəlxalq standartlara cavab verdiyinə görə ISO 14001 və OHSAS 18001 sertifikatları təqdim olunub.

ASc-nin mətbuat xidmətindən Trend-ə verilən məlumata görə, müəssisə "TÜV Austria" (Texniki Nəzarət Təşkilatı) şirkəti tərəfindən bu sertifikatlara layiq görülüb.

ISO 14001 sertifikatı "Ətraf Mühiti İdarəetmə Sistemi"nin beynəlxalq tələblərə uyğunluğunu göstərir. OHSAS 18001 isə "Əməyin Mühafizəsi və Təhlükəsizliyi İdarəetmə Sistemi"nin ən yüksək standartlara cavab verməsi deməkdir. "Təmiz Şəhər" ASC-nin bu sertifikatları alması qurumun ətraf mühitə və öz işçilərinə göstərdiyi diqqətdən xəbər verir.

"TÜV Austria" şirkətinin Azərbaycan təmsilçiliyi ASC-də standartlara uyğun qurulmuş inteqrasiya edilmiş idarəetmə sisteminin adekvatlığının qiymətləndirilməsi və uyğunluğunun yoxlanılması üzrə auditlər aparıb. Həmin auditlərin nəticəsi müsbət qiymətləndirilib və bununla əlaqədar olaraq, "Təmiz Şəhər"ə qeyd olunan sertifikatların verilməsi barədə qərar qəbul olunub.

Xatırladaq ki, Cəmiyyət 2013-cü ildə isə "Bərk məişət tullantılarının idarə edilməsi fəaliyyəti üzrə" ISO 9001 sertifikatı alıb. Bu göstərici isə müəssisənin məhsul və xidmətlərinin keyfiyyət standartlarına cavab verdiyini bildirir.

Məqalədə:
Xəbər lenti

Xəbər lenti