...

Sumqayıtda dəhşətli qəzada 4 nəfər öldü (ÖZƏL) (YENİLƏNİB-2) (FOTO)

Cəmiyyət Materials 30 Avqust 2016 23:54 (UTC +04:00)
Sumqayıt şəhərində ağır yol qəzası baş verib.
Sumqayıtda dəhşətli qəzada 4 nəfər öldü (ÖZƏL) (YENİLƏNİB-2) (FOTO)

Trend-i buradan izləyin

Bakı. Samir Əli - Trend:

Sumqayıt şəhərində ağır yol qəzası baş verib.

Sumqayıt şəhər Təcili Tibbi Yardım Xəstəxanasından Trend-ə verilən məlumata görə, hadisə nəticəsində 2 nəfər ağır vəziyyətdə xəstəxanasının reanimasiya şöbəsinə yerləşdirilib.

Yaralılardan biri koma vəziyyətində, digəri isə ağır kəllə-beyin travması və bədənin müxtəlif yerlərinin qapalı sınığı ilə şöbəyə qəbul edilib.

Yaralılar iki qardaş - Abşeron rayon Saray qəsəbəsi sakinləri Bayramov Elçin Yusif oğlu Bayramov Əliyar Yusif oğludur.

Yol qəzası nəticəsində 4 nəfər dünyasını dəyişib. Bundan əvvəl 6 nəfərin öldüyü bildirilirdi.

x x x

23:03

Sumqayıt şəhərində ağır yol qəzası baş verib.

Trend-in hadisə yerində olan müxbirinin verdiyi məlumata görə, yol qəzası avqustun 30-da saat 22:20 radələrində Bakı-Quba-Rusiya sərhədi avtomobil yolunun 43-cü kilometrliyində, H.Z.Tağıyev qəsəbəsində baş verib.

Belə ki, "Volkswagen Passat" markalı "99-DZ-632" dövlət nömrə nişanlı avtomobil "Lada 110" markalı "60-BS-663" dövlət nömrə nişanlı avtomobillə toqquşub.

Hadisə vaxtı hər avtomobildə 3 nəfər olub. Qəza nəticəsində avtomobillərdə olan 6 nəfərin hamısının həlak olduğu bildirilir. Hadisə yerində 3 təcili tibbi yardım briqadası gəlib.

Hadisəyə səbəb kimi "Volkswagen Passat"ın Qubadan Bakı istiqamətində hərəkət edən "Lada 110" markalı avtomobilin yoluna çıxması göstərilir.

Faktla bağlı araşdırma aparılır.

Xəbər lenti

Xəbər lenti