Bakı. İlhamə İsabalayeva - Trend:
Azəbaycanda elmin maliyyələşdirilməsinə dövlət büdcəsi ilə yanaşı, digər mənbələrin də cəlbi stimullaşdırılacaq.
Trend-in məlumatına görə, bu barədə Milli Məclisə təqdim olunmuş “Azərbaycanın 2017-ci il və gələn üç il üzrə iqtisadi-sosial inkişaf konsepsiyası” layihəsində qeyd olunub.
Layihəyə görə, ölkədə elm tutumlu məhsulların və texnologiyaların işlənilməsi və tətbiqi üçün texnoparklar və innovasiya zonaları yaradılacaq. Bununla yanaşı, innovasiya potensialının səmərəli istifadəsi və inkişafı üçün müvafiq qanunvericilik bazası yaradılacaq.
Layihəyə əsasən, mühüm elmi nəticələrin, dünyəvi yeniliklərin əsasında İnnovasiya Bankı yaradılacaq və Milli İnnovasiya Proqramı hazılanacaq.