Bakı. Trend:
Bakı-Tehran aviareysi ilə Bakı vaxtı ilə saat 09:30-da uçmalı olan "Buta Airways" şirkətinin aviareysi (9017) təxirə salınıb.
Bu barədə Trend-ə Heydər Əliyev Hava Limanından bildiriblər.
Uçuşun İran paytaxtındakı hava şəraiti ilə əlaqədar təxirə salındığı bildirilir.
"Təyyarə Bakı vaxtı ilə saat 19:00-da yola düşməlidir. Digər reyslərin gecikməsi barədə rəsmi məlumat yoxdur", - deyə hava limanından bildiriblər.