Bakı. Trend:
Azərbaycanın tanınmış bəstəkarı Tahir Əkbər 72 yaşında vəfat edib.
Bu barədə Trend-ə bəstəkarın yaxınları bildirib.
Bəstəkar sabah Yasamal qəbiristanlığında dəfn olunacaq. Ötən ilin noyabrında o, insult keçirmişdi.
Tahir Əkbər 1946-cı il yanvarın 20-də anadan olub. 1960-cı ildə Dzerjinski adına musiqi məktəbinin fortepiano şöbəsinə daxil olub, 1965-ci ildə isə oranı bitirib. 1969-cu ildə də musiqişünas kimi təhsilini başa vurub. Tahir Əkbər 1970-ci ildə Muxtar Əşrəfi adına Dəşkənd Dövlət Konservatoriyasının bəstəkarlıq şöbəsinə qəbul olub. Burada tanınmış bəstəkar, professor Boris Zeydmanın sonuncu azərbaycanlı tələbəsi olub. 1985-ci ildən keçmiş SSRİ Bəstəkarlıq İttifaqının, hazırda isə Azərbaycan Bəstəkarlar Birliyinin üzvüdür.
Allah rəhmət eləsin