...

Bakıda iki universitetin yataqxanası fərqli model üzrə tikiləcək - NECƏ?

Cəmiyyət Materials 18 İyul 2018 20:31 (UTC +04:00)
Bakıda iki universitetin yataqxanası "Tik–idarə et–təhvil ver" modeli əsasında tikiləcək.
Bakıda iki universitetin yataqxanası fərqli model üzrə tikiləcək - NECƏ?

Bakı. Samir Əli - Trend:

Bakıda iki universitetin yataqxana kompleksi “Tik–idarə et–təhvil ver” modeli əsasında inşa olunacaq.

Trend-in məlumatına görə, bu barədə “Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi”nin icra vəziyyəti üzrə hesabatda deyilir.

Qeyd olunur ki, tədbirin icrası məqsədilə dövlət-özəl sektor tərəfdaşlığı ilə bağlı bir sıra ölkələrin təcrübəsi öyrənilərək təhlil edilib, eləcə də bu sahədə ölkəmizdə mövcud vəziyyət və sözügedən sahəni tənzimləyən milli qanunvericilik sistemi araşdırılıb. Araşdırmaların nəticəsi olaraq, ölkədə dövlət-özəl sektor tərəfdaşlığının inkişafı ilə bağlı konsepsiya layihəsi hazırlanıb. “Tik–idarə et–təhvil ver” modeli (“TİT” modeli) əsasında layihələrin həyata keçirilməsi ilə əlaqədar müvafiq işlər görülüb, bu sahədə müxtəlif ölkələrin təcrübəsi öyrənilərək təhlil edilib.

“TİT” modeli çərçivəsində həyata keçirilməsi mümkün ola biləcək layihə müəyyən edilib, müvafiq texniki iqtisadi əsaslandırmanın və digər aidiyyəti sənədlərin hazırlanması üçün zəruri işlərin görülməsinə başlanılıb.

Həmçinin ADNSU və BDU-nun tələbələri üçün yataqxana komplekslərinin tikintisinin “TİT” modeli çərçivəsində həyata keçirilməsi pilot layihələr olaraq müəyyənləşdirilib.

Məqalədə:
Xəbər lenti

Xəbər lenti