...

Bakı Media Mərkəzinin istehsal etdiyi veriliş beynəlxalq festivalda mükafat qazanıb (FOTO)

Cəmiyyət Materials 13 Oktyabr 2018 16:25 (UTC +04:00)
Bakı Media Mərkəzinin istehsalı olan veriliş “Televiziya verilişləri” nominasiyasında birinci yerə layiq görülüb.
Bakı Media Mərkəzinin istehsal etdiyi veriliş beynəlxalq festivalda mükafat qazanıb (FOTO)

Bakı. Trend:

Bakı Media Mərkəzinin istehsalı olan “Oralar” verilişi Xorvatiyanın paytaxtı Zaqreb şəhərində keçirilən Beynəlxalq Turizm Filmləri Festivalında “Televiziya verilişləri” nominasiyasında birinci yerə layiq görülüb.

Bakı Media Mərkəzindən Trend-ə verilən məlumata görə, “Oralar” verilişi birinci yerin mükafatını yeni orijinal formatı və peşəkar təqdimatına görə qazanıb.

Zaqreb Festivalı Beynəlxalq Turizm Filmləri Festivalı Komitəsinin üzvüdür və bu sahədə ən nüfuzlu tədbirlərdən biri sayılır. Festival hər il Xorvatiya Prezidentinin himayəsi altında keçirilir. Bu il festivala 91 ölkədən 807 iş təqdim olunub

Bakı Media Mərkəzinin istehsal etdiyi “Oralar” verilişi dünyanın ən məşhur şəhərlərindən bəhs edir. Həm əyləncəli, həm də maarifləndirici olan bu verilişin məqsədi dünya şəhərlərini seyr edib, onların görünən və görünməyən tərəflərini Azərbaycan tamaşaçısına təqdim etməkdir.

Layihəyə peşəkar komanda cəlb olunub və çəkilişlər ən müasir avadanlıqlarla aparılır. Yeni formatda olan “Oralar"ın üç aparıcısı var və onlar getdikləri şəhərlərə üç fərqli bucaqdan baxırlar.

“Oralar” verilişi hər bazar günü saat 12:15-də ATV kanalında yayımlanır. Tamaşaçılar verilişi, həmçinin “Oralar”ın "Facebook" səhifəsində və "Youtube" kanalında da izləyə bilərlər.

Qeyd edək ki, Bakı Media Mərkəzi Azərbaycanın audiovizual məhsulların istehsalı ilə məşğul olan aparıcı və innovativ media şirkətidir. Mərkəz haqqında daha ətraflı məlumatı şirkətin www.bakumediacenter.az rəsmi internet saytından, "Facebook", "Youtube", "Linkedin", "Instagram" və "Twitter" sosial şəbəkələrindəki səhifələrindən əldə etmək mümkündür.

Məqalədə:
Xəbər lenti

Xəbər lenti