Bakı. Mətanət Nəsibova - Trend:
Azərbaycanın uğurları aşkardır, iqtisadi göstəriciləri isə ölkənin əldə etdiyi nailiyyətləri təsdiq edir.
Trend-in məlumatına görə, bunu VI Bakı Beynəlxalq Humanitar Forumu çərçivəsində keçirilən Dayanıqlı İnkişaf Forumunda Qazaxıstanda insan hüquqları müvəkkili, ombudsman Askar Şakirov deyib.
O bildirib ki, Bakı forumunun əhəmiyyətini qiymətləndirmək çətindir.
Ombudsmanın sözlərinə görə, bu cür güclü forumun Bakıda keçirilməsi əlamətdar hadisədir:
“Sizin ölkənizin uğurları, hətta Bakıya ötəri baxış, eləcə də iqtisadi göstəricilər əldə olunmuş nailiyyəti təsdiq edir”.
Qeyd edək ki, oktyabrın 25-də Bakıda VI Beynəlxalq Humanitar Forum işə başlayıb. “Yeni dünya və yeni insan formalaşdıraq: kreativlik və insan inkişafı” mövzusunda keçirilən budəfəki Foruma 86 ölkə və 24 beynəlxalq təşkilatdan 581 nümayəndə qatılıb.