...

Peşə təhsili müəssisələrində diaqnostik qiymətləndirilmə keçiriləcək

Cəmiyyət Materials 21 Dekabr 2018 09:47 (UTC +04:00)
Mühəndis-pedaqoji heyətin diaqnostik qiymətləndirilməsi keçiriləcək
Peşə təhsili müəssisələrində diaqnostik qiymətləndirilmə keçiriləcək

Bakı. İlhamə İsabalayeva - Trend:

Dekabrın 22-də dövlət peşə təhsili müəssisələrində çalışan mühəndis-pedaqoji heyətin diaqnostik qiymətləndirilməsinin növbəti mərhələsi keçiriləcək.

Təhsil Nazirliyindən Trend-ə verilən məlumata görə, bu mərhələdə əsasən regionlarda fəaliyyət göstərən və indiyə qədər diaqnostik qiymətləndirilməsi keçirilməyən dövlət peşə təhsili müəssisələrinin ixtisas fənn müəllimləri və istehsalat təlimi ustaları iştirak edəcək.

Diaqnostik qiymətləndirmə saat 11.00-da Turizm və Sosial Xidmətlər üzrə Bakı Dövlət Peşə Təhsil Mərkəzində keçiriləcək. Namizədlərdən imtahan keçiriləcək ünvana (5 nömrəli Bakı Peşə Liseyinin binası, Məhsəti küçəsi, 3) şəxsiyyət vəsiqələri ilə gəlmələri tələb olunur.

Məqalədə:
Xəbər lenti

Xəbər lenti