...

Tər analizi ilə diabetə necə nəzarət etmək olar?

Cəmiyyət Materials 16 Oktyabr 2019 21:33 (UTC +04:00)
Rusiya alimləri qanın tərkibində şəkərin miqdarını tər damcısı ilə ölçəcək yeni üsul – biosensor hazırlayıblar.
Tər analizi ilə diabetə necə nəzarət etmək olar?

Bakı. Trend:

Rusiya alimləri qanın tərkibində şəkərin miqdarını tər damcısı ilə ölçəcək yeni üsul – biosensor hazırlayıblar.

Trend-in məlumatına görə, Moskva Dövlət Universitetinin (MDU) kimya fakültəsinin alimləri biosensorun prototipini təqdim ediblər.

Yeni biosensor bədəndəki təri fasiləsiz olaraq analiz edir və qanın tərkibində normadan artıq şəkərin miqdarı barədə xəbərdarlıq edir. Biosensor qlükooksidaz fermenti daxil edilmiş platin elektroddan ibarətdir. Onun daxilində tərdə olan qlükoza qlükooksidazla birləşir və nəticədə hidrogen peroksid yaranır. Bu maddə isə qlükozanın səviyyəsini müəyyən edir.

MDU-nun laboratoriyalarında könüllülər üzərində keçirilən testlər zamanı aydın olub ki, qanda şəkərin miqdarının müəyyən edilməsinin yeni metodu diabetin monitorinqi məqsədilə qanla tər arasında olan korrelyasiyanı ölçməklə həyata keçiriləcək.

Yeni cihaz şəkərli diabetdən əziyyət çəkənləri tez-tez qan analizi verməkdən xilas edəcək və yüz milyonlarla diabetli insanın həyatını yaxşılaşdıracaq.

Məqalədə:
Xəbər lenti

Xəbər lenti