Bakı. Trend:
"Beynəlxalq Ordu Oyunları - 2019" yarışlarında Azərbaycanın mədəniyyət nümunələrinə böyük maraq var.
Müdafiə Nazirliyindən Trend-ə bildirilib ki, “Beynəlxalq Ordu Oyunları - 2019” yarışları çərçivəsində Moskvanın Alabino poliqonunda təşkil olunan “Dostluq evi”ndə Azərbaycan pavilyonu yaradılıb.
Sərginin Azərbaycan bölməsində ölkəmizin tarixi, mədəniyyəti, adət-ənənələri və məişətinə aid nümayiş olunan ekspozisiyalar yarış iştirakçıları və qonaqlar tərəfindən böyük maraqla izlənilir.