...

Əlavə buraxılış imtahanının nəticələri açıqlandı

Cəmiyyət Materials 10 Sentyabr 2021 15:53 (UTC +04:00)
Əlavə buraxılış imtahanının nəticələri açıqlandı

Bakı. Çingiz Səfərli - Trend:

2021-ci il sentyabrın 9-da keçirilən ümumi (9 illik) orta təhsil səviyyəsi üzrə əlavə buraxılış imtahanı və Azərbaycan dili (dövlət dili kimi) imtahanının nəticələri elan olunub.

Dövlət İmtahan Mərkəzindən Trend-ə verilən məlumata görə, şagirdlər imtahan nəticələri ilə aşağıdakı keçidlər vasitəsilə tanış ola bilərlər.

Bundan əlavə, mobil nömrələr (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə də nəticələri öyrənmək mümkündür.

Ümumi orta təhsil səviyyəsi üzrə buraxılış imtahanının nəticəsi:

https://eservices.dim.gov.az/2021/netorta/?frm=egov

Azərbaycan dili (dövlət dili kimi) üzrə imtahanının nəticəsi:

https://eservices.dim.gov.az/2021/netazd/?frm=egov

Tam (11 illik) orta təhsil səviyyəsi üzrə keçirilən buraxılış imtahanının nəticəsinin isə yaxın 4 gün ərzində elan olunması nəzərdə tutulur.

Nəticəsi elan olunan imtahanlarla bağlı müraciətlərə baxılması üçün DİM tərəfindən 13 sentyabr tarixindən etibarən onlayn ("Zoom" proqramı və ya telefon əlaqəsi vasitəsilə) apellyasiya prosesi təşkil ediləcək. Apellyasiya komissiyasına müraciət etmək istəyənlər 11-13 sentyabr tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər.

Twitter:@cingizsafarli

Məqalədə:
Xəbər lenti

Xəbər lenti