...

Bakı məktəblərində diaqnostik qiymətləndirməyə start verilib

Cəmiyyət Materials 11 Oktyabr 2021 15:37 (UTC +04:00)
Bakı məktəblərində diaqnostik qiymətləndirməyə start verilib

Bakı. Çinigiz Səfərli - Trend:

Bakı Şəhəri üzrə Təhsil İdarəsi tərəfindən V-IX siniflər üzrə diaqnostik qiymətləndirməyə start verilib.

Bu barədə Trend-ə İdarədən məlumat verilib.

Məlumata görə, diaqnostik qiymətləndirmənin ilk günündə paytaxtın Səbail rayonu üzrə ümumi təhsil müəssisələrinin şagirdləri biliyini sınayıb.

Diaqnostik qiymətləndirmənin əsas məqsədi ötən tədris ilində ayrı-ayrı fənlər üzrə proqram materiallarının mənimsənilmə göstəricilərinin müəyyənləşdirilməsindən ibarətdir.

Diaqnostik qiymətləndirmə riyaziyyat, xarici dil və tədris dili üzrə keçirilir.

Şagirdlərə V siniflər üzrə ümumilikdə 30, VI-VII siniflər üzrə 45, VIII-IX siniflər üzrə isə 60 sual təqdim edilib.

Qeyd edək ki, sualların cavablandırılması üçün V siniflərə 60, VI-VII siniflərə 90, VIII-IX siniflərə isə 120 dəqiqə vaxt verilib.

Twitter: @cingizsafarli

Məqalədə:
Xəbər lenti

Xəbər lenti