...

Dövlət qulluğuna qəbul üzrə imtahan keçiriləcək

Cəmiyyət 21 Yanvar 2022 17:18
Dövlət qulluğuna qəbul üzrə imtahan keçiriləcək

Trend-i buradan izləyin

Bakı. Humay Ağacanova - Trend

Dövlət İmtahan Mərkəzi (DİM) tərəfindən 2022-ci il yanvarın 23-də dövlət qulluğunda inzibati vəzifələrin A növünə (inzibati rəhbər vəzifələr) aid olan AB və AC qruplarına uyğun olan vəzifələr üzrə dövlət qulluğuna qəbul imtahanı keçiriləcək.

DİM-dən Trend-ə verilən məlumata görə, COVID-19 infeksiya ilə əlaqədar ehtiyat tədbirləri çərçivəsində görülən işlərə uyğun olaraq imtahan binalarına yalnız tibbi maska ilə daxil olmağa icazə veriləcək və namizədlərin məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaq.

İmtahan zallarında namizədlərin bir-birindən lazımi uzaq məsafədə əyləşdirilməsi təmin olunacaq.

İmtahanda iştirak etmək üçün AB vəzifə qrupu üzrə 22 , AC vəzifə qrupu üzrə isə 38 namizəd qeydiyyatdan keçib.

İmtahan saat 10:00-da başlanır. Namizədlər şəxsiyyəti təsdiq edən sənədləri ilə birlikdə saat 09:00-dan gec olmayaraq imtahan binasında olmalıdırlar.

Məqalədə:
Xəbər lenti

Xəbər lenti