Bakı. Trend:
Oktaybrın 14-də Azərbaycan Dövlət Pedaqoji Universiteti Tələbə Gənclər Təşkilatının (ADPU TGT) nəzdində fəaliyyət göstərən ART klubun təşkilatçılığı ilə Nəriman Nərimanovun xatirə muzeyinə ekskursiya təşkil olunub.
Trend-in məlumatına görə, ekskursiya zamanı Nəriman Nərimanovun həyat və yaradıcılığı ilə yaxından tanış olan tələbələr, Azərbaycanın müsəlman şərqində nail olduğu, məhz Nərimanovun adı ilə bağlı olan bir çox ilklər və göstərdiyi misilsiz xidmətlər haqqında daha ətraflı məlumat əldə ediblər.
