Bakı. Trend:
Sənət uşaq musiqi və incəsənət mərkəzi tərəfindən təşkil olunan “Yeni ilə yeni naxışlarla...” adlı uşaq yaradıcılıq sərgisi baş tutdu.
Sərgi, 4-15 yaş arası rəssam və heykəltəraşların təqdim etdiyi rəngarəng əsərlərlə dolu idi. Hər bir stenddə, uşaqların yaradıcılığı və bacarığı əks olundu.
Tədbirdə 50-yə yaxın tələbənin əl işlərindən ibarət ekspozisiya sərgiləndi.
Sənət mərkəzi üçün bu sərgi, uşaqların yaradıcılığının inkişaf etdirilməsi üçün vacib bir addımdır. "Yeni İlə Yeni Naxışlarla..." adlı uşaq sərgisi, təhsilin və əyləncənin uğurlu birləşməsinin göstəricisi oldu.
Tədbirin sonunda iştirakçılara sertifikatlar təqdim olundu.