Bakı. Trend:
Kursant hərbi rütbəsində ehtiyata buraxılmış hərbi qulluqçuların ehtiyatda olmasının son yaş hədləri müəyyənləşir.
Trend xəbər verir ki, bu məsələ Milli Məclisin bu gün keçirilən plenar iclasında müzakirə olunan “Hərbi vəzifə və hərbi xidmət haqqında” Qanunda dəyişiklik edilməsi barədə qanun layihəsində öz əksini tapıb.
Qanun layihəsinə əsasən, normativ hüquqi aktlarda nəzərdə tutulmuş hallarda kursant hərbi rütbəsində ehtiyata buraxılmış hərbi qulluqçuların ehtiyatda olma müddətləri əsgər və matroslar üçün müəyyən edilmiş ehtiyatda olmanın son yaş hədlərinə uyğun hesablanacaq.
Mövcud qanunvericiliyə əsasən, ehtiyatda olan hərbi vəzifəlilər yaşa görə dərəcələrə bölünür və aşağıdakı son yaş hədlərinədək ehtiyatda olurlar:
|
Hərbi vəzifəlilərin heyəti |
Ehtiyatda olmanın son yaş hədləri |
||
|
birinci dərəcə |
ikinci dərəcə |
üçüncü dərəcə |
|
|
Əsgərlər, matroslar, çavuşlar, gizirlər və miçmanlar |
35 yaş |
45 yaş |
50 yaş |
|
Kiçik zabitlər |
50 yaş |
- |
55 yaş |
|
Baş zabitlər: mayor və polkovnik-leytenantlar |
50 yaş |
- |
55 yaş |
|
polkovniklər |
55 yaş |
- |
60 yaş |
|
ali zabitlər |
60 yaş |
- |
65 yaş |
Qanun layihəsi səsə qoyularaq birinci oxunuşda qəbul olunub.