Bakı.Trend:
2017-ci ildən etibarən metro qatarlarının orta və əsaslı təmiri Azərbaycanda həyata keçirilir. Bakı Metropoliteni qatarları əsaslı təmir üçün xarici ölkələrə göndərmir.
Trend xəbər verir ki, bunu bu gün “Bakı Metropoliteni” QSC-nin mətbuat katibi Bəxtiyar Məmmədov jurnalistlərə açıqlamasında deyib.
O bildirib ki, 2017-ci ilədək qatarların əsaslı təmiri Gürcüstanda, SSRİ dövründə isə Ukrayna və Rusiyada həyata keçirilirdi.
Qeyd edək ki, “Vaqonların əsaslı təmiri xidməti” Bakı Metropoliteni” QSC sədrinin əmri ilə 2017-cı ildə yaradılıb.