...

Ömürlük azadlıqdan məhrum edilmiş məhkum Azərbaycan Ali Məhkəməsinə müraciət edib

Cəmiyyət Materials 27 Aprel 2007 15:54 (UTC +04:00)

Azərbaycan, Bakı / Trend müxbir K Zərbalıyeva / Ömürlük azadlıqdan məhrum edilmiş Arif Hacıyev barəsindəki məhkəmə hökmündən Ali Məhkəmənin Plenumuna əlavə kassasiya şikayəti verilib. Vəkil Elman Osmanov cümə günü bildirib ki, şikayətdə Hacıyevin cəzasının 15 ilə endirilməsi xahiş olunur.

Hacıyev ötən il Nəsimi rayonu, 3-cü mikrorayon ərazisində polis əməkdaşı Mövlan Əlibəyovun ölümündə təqsirləndirilərək ömürlük azdlıqdan məhrum edilib. O, Cinayət Məcəlləsinin 120.2.3, 120.2.6 (qəsdən adam öldürmə), 279.1(qanunvericiliklə nəzərdə tutulmayan silahlı birləşmələri və ya qrupları yaratma), 228.3 (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 315.1(hakimiyyət nümayəndəsinə qarşı müqavimət göstərmə və ya zor tətbiq etmə), 320-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, hazırlama, satma və ya saxta sənədlərdən istifadə etmə) maddələri ilə ittiham olunub.

Xəbər lenti

Xəbər lenti