Rafael İsgəndərov: "Nə qədər ki, bizə tələbat var, ildə iki dəfə konsert verəcəyik"
Azərbaycan, Bakı, 20 iyul /müx.TrendLife Vüqar Vüqarlı/"Bu şəhərdə" layihəsinin məhşur aktyorları olan Rafael İsgəndərov və Coşqun Rəhimov artıq ənənə halını alan konsertlərinə hazırlaşırlar. Rafaelin TrendLife-a verdiyi məlumata görə, onlar tədbri noyabrda keçirmək istəyirlər.
"Hələ k,i xalqın bizə ehtiyacı var, konsert vermək üçün bütün zalı doldura bilirik, ildə iki dəfə konsert verəcəyik. Hətta noyabr ayına qədər H.Əliyev adına sarayın təmir işləri başa çatmasa belə, konsert vermək üçün başqa yer axtaracağıq. Bu fikrirmizdən daşınmayacağıq" - deyə Rafael bildirdi.
Onu da qeyd edək ki, onlar sonuncu dəfə tamaşaçılar qarşısına bu ilin martında çıxıblar.
