Azərbaycan, Bakı, 7 sentyabr /Trend/
Bu gün futbol üzrə Azərbaycan milli komandası 2014-cü il dünya çempionatının seçmə mərhələsi çərçivəsində ilk oyununa çıxır.
Trend-in məlumatına görə, Azərbaycan futbolçuları doğma meydanda İsrail yığmasına qarşı mübarizə aparacaqlar.
Saat 21:00-da Tofiq Bəhramov adına Respublika stadionunda keçiriləcək matçı Sloveniyadan olan hakimlər briqadası idarə edəcək. Baş hakim Matey Yug, onun köməkçiləri Marko Stancin, Milan Koqey, dördüncü hakim isə Slavko Vincicdir.
Oyunun hakim-inspektoru isveçli Peter Fröydfeldt, komissarı isə Belarusdan olan Mixail Varabyovdur.