Azərbaycan, Bakı, 9 noyabr / Trend müxbir M.Əliyev/
Azərbaycan uşu və tayboks idman növləri üzrə dünya çempionatında ikinci qızıl medalını qazanıb.
Gənclər və İdman Nazirliyinin mətbuat xidmətindən cümə günü Trend-ə verilən məlumata görə, Tomris Həsənova yarışların Tayci Fan növündə qızıl medal qazanıb.
Oktyabrın 30-dan noyabrın 4-dək İtaliyanın Karrara şəhərində uşu və tayboks idman növləri üzrə keçirilən dünya çempionatında 70 ölkədən 2000-dək idmançının iştirak edir. Azərbaycan yarışlara 4 idmançı ilə təmsil olunur.
Ötən gün isə 91 kq çəki dərəcəsində yarışan Araz Musayev 18-35 yaş kateqoriyasında tay fan yarışlarında bütün rəqiblərinə qalib gələrək dünya çempionu olub.