Azərbaycan, Bakı, 6 fevral /Trend/
Birləşmiş Ərəb Əmirliklərinin Dubay şəhərində təşkil olunmuş təlim-məşq toplanışı çərçivəsində Azərbaycan və Lixtenşteyn milli komandaları arasında bu gün yoldaşlıq oyunu keçirilib.
Trend-in məlumatına görə, "Əl Vasl" stadionunda baş tutan qarşılaşmanın 52-ci dəqiqəsində Rəşad Sadiqov penaltidən yararlana bilməyib. Lakin Vaqif Cavadov 75-ci dəqiqədə penalti zərbəsini dəqiq yerinə yetirib (1:0). Matç elə bu hesabla da başa çatıb.
Qeyd edək ki, fevralın 1-də Dubayda təlim-məşq toplanışı çərçivəsində millimiz Özbəkistanla oyunda bərabərə qalmışdı (0:0).