Azərbaycan, Bakı, 6 aprel /Trend/
Məşqçi Mauro Berruto Avropa Oyunları üçün öz komandasının ilkin heyətini elan edib.
Məşqçi Mauro Berruto Bakı-2015 yarışlarında çıxış edəcək İtaliyanın voleybol üzrə kişilərdən ibarət komandası üçün 22 oyunçudan ibarət heyət müəyyən edib. Eyni zamanda, o, Avropa Oyunları ilə üst-üstə düşəcək Dünya Liqası yarışları üçün 25 nəfərdən ibarət ilkin heyəti açıqlayıb.
Trend Avropa Oyunlarının saytına istinadən məlumat verir ki, altı oyunçu - Elia Bossi, İakopo Botto, Yakopo Massari, Qabriele Nelli, Ciakomo Raffaelli və Luici Randasso hər iki komandada yer alıb.
Hələ öz klublarında oynadıqları üçün İtaliyanın iki məşhur oyunçusu - Simone Parodi və Osmani Juantorena siyahıya daxil edilməyib. S.Parodi və O.Juantorenanın bu yay hansı yarışlarda iştirak edəcəyi hələ bilinmir.
M.Berrutonun sözlərinə görə, qərar qəbul edən zaman hər bir oyunçunun iştirak imkanı və milli komandada oynamaq istəyi nəzərə alınıb: "Hər iki komandanın hazırlanmasında eyni prinsip əsas götürülüb. Bizim işimizin əsasında təkcə nəzəriyyə və fəlsəfə deyil, eyni zamanda, dəqiq texniki mülahizələr, aydın oyun üslubu dayanır".
Məşqçi bildirib ki, Avropa Oyunlarının Dünya Liqası ilə eyni vaxta təsadüf etməsi fonunda hər iki siyahıda olan oyunçuların sayını azaltmaq istəyir: "Mən aydın şəkildə bəyan etmək istəyirəm ki, hər bir oyunçunun qarşısında duran çağırışları nəzərə almaqla hamımız birgə çalışacağıq".
M.Beruttonun "Bakı 2015"ə gətirmək istədiyi oyunçuların siyahısı və təmsil etdikləri komandaların adları aşağıda verilib:
Fabio Balaso - "Tonazzo Padova"
Tomas Beretta - "Sir Safety Perugia"
Luka Boroqonyo - "Calzedonia Verona"
Elia Bossi - "Exprivia Nel Diritto Molfetta"
İakopo Botto - "Vero Volley Monza"
Enriko Diamantini - "B-Chem Potenza Picena"
Marko Falasçi - "Trefl Gdańsk" (Polşa)
Mikele Fedrissi - "Energy T.I. Trento"
Pakuale Qabriele - "Cmc Ravenna"
Marko İsso - "Caffe Aiello Corigliano"
Yakopo Massari - "Copra Piacenza"
Daniele Massone - "Altotevere Citta di Castello"
Tisiano Massone - "Energy T.I. Trento"
Sebastiano Milan - "Tonazzo Padova"
Qabriele Nelli - "Energy T.I. Trento"
Pyer Paolo Partenio - "B-Chem Potenza Picena"
Nikola Pesaresi - "Calzedonia Verona"
Alessandro Preit - "Revivre Milano"
Ciakomo Raffaelli - "Club Italia"
Luici Randasso - "Altotevere Citta di Castello"
Fabio Riççi - "Cmc Ravenna"
Luka Spirito - "Exprivia Nel Diritto Molfetta"